Nga Pogradeci, kreu demokrat Basha shpalli ato që i quajti tre shtyllat kryesore të platformës probiznes të Partisë Demokratike.
Duke e vizatuar si të rëndë situatën e biznesit në vend, sipas tij për shkak të barrës së rëndë fiskale, Basha shpalli:
1.Biznesi do të ketë një pullë fiskale që tregon që janë kryer detyrimet ndaj shtetit dhe e asnjë zyrtar shteti nuk do të abuzojë me kontrollet ilegale. Asnjë polic nuk do guxojë të dhunojë biznese dhe sipërmarrje.
2.Ne do të ndërmarrim nismën e uljes së taksave për bizneset dhe për të përmiresuar klimën e biznesit në vend.
3. Taksa 9% mbi të ardhurat dhe tatim fitimin, si dhe shmangia e patrullave gjobëvënëse, taksë 0 për biznesin e vogël. Një paketë e plotë incentivash fiskale në shërbim të biznesit dhe investitorëve.
Sipas Bashës, do jetë kjo rruga në të cilën PD do sjellë një ndryshim për mirë në klimën e biznesit, e rrjedhimisht në ekonominë familjare të shqiptarëve. /tesheshi.com/
