Pak orë para protestës së paralajmëruar të opozitës, kreu i saj Basha lëshoi një thirrje për pjesëmarrje sa më të madhe.
“Bashkimi, pjesëmarrja dhe vendosmëria për ta çuar këtë betejë drejt fitores së sigurt, është investimi më krenar për fëmijët, për të ardhmen e tyre dhe të çdo shqiptari”, shkroi Basha në FB.
Ai renditi shumë kategori shoqërore, që sipas tij, duhet të jenë në shesh për largimin e Ramës.
Të rinj e të reja, studentë dhe profesionistë, pedagogë, artistë, intelektualë, mjekë infermierë dhe mësues, sipërmarrës të ndershëm dhe fermerë, pensionistë dhe të papunë, familjarë, prindër dhe bij e bija të shqiptarëve, mirësevini sonte në bashkimin popullor dhe qytetar në orën 19 në Tiranë. Asnjë hap pas!””, shkruan Basha. /tesheshi.com/
