Basha, thirrje nga parlamenti: të gjithë në shesh për të rrëzuar Ramën!

Me rivalin e ndodhur në Alpet e Zvicrës, qindra kilometra lart dhe po qindra metra mbi nivelin e detit, kryedemokrati Basha e shfrytëzoi seancën parlamentare të kësaj të enjte për t’i ftuar qytetarët që të protestojnë të shtunën kundër qeverisë Rama. Ky i fundit i ndodhur në Davos, e la të varfër atmosferën e parlamentit më thirrje opozitare për rrëzim, nga mungesa e replikave që shoqërojnë pothuajse çdo seancë. Ndaj Basha mbeti një zë pa rival.

“Nëse ne bëhemi mijëra në sheshet e Shqipërisë e keqja do të largohet. Nuk ka asnjë alternativë tjetër. E vetmja alternativë përballë një qeverisje të keqe, të inkriminuar e korruptuar është forca e njerëzve që bëhen bashkë për të mirën, lirinë, dinjitetin dhe të ardhmen.

Ju ftoj të gjithë ejani të shtunën në orën 12:00 dhe deklaroni refuzimin tuaj, “Jo”-në tuaj, distancimin tuaj, mospranimin e së keqes.

Ejani pasnesër më 20 janar, bashkohuni me qindra mijëra bashkëqytetarë të tjerë. Ngrijeni zërin tuaj për cdo padrejtësi që ju është bërë për të diktuar fundin e kryeministrit narkotrafikant për ti hapur rrugën një qeverie antimafia, antivarfëri, të reformës në drejtësi.

Ejani ta mundim mallkimin se shqiptarët nuk bëjnë dot demokraci si gjithë Europa. Ejani ta dëshmojmë se bashkë mund ta bëjmë”, kumtoi Basha. /tesheshi.com/