Partia Demokratike ka vendosur të ndalojë me çdo kusht zgjedhjen e Kryeprokurorit të përkohshëm dhe sipas gjasave do të bëjë të pamundur mbajtjen e seancës parlamentare.
Lulzim Basha ka thirrur nesër mbledhjen e jashtëzakonshme të grupit parlamentar, ku pritet që të shqyrtohen rrugët “guerile” që ka menduar opozita, e cila përjashton dialogun për Kryeprokurorin e përkohshëm.
Ajo e konsideron si antikushtetuese këtë praktikë, ndërkohë që të kundërtën pretendon mazhoranca, e cila ka dhe mbështetjen e ndërkombëtarëve, posaçërisht ambasadorit Lu.
Ditë më parë, Basha dha paralajmërimin për masat të forta politike si rezistencë ndaj zgjedhjes së Kryeprokurorit të përkoshëm.
Ditët në vijim do shihen se ç’janë këto masa, të cilat paralajmërojnë gjithsesi një krize të re politike, që pas mbylljes së çadrës. /tesheshi.com/
