Në ditën e katërt të protestës së saj, opozita shqiptare i shfaq sërish e vendosur në kërkesën për largimin e Ramës nga qeverisja, si kusht për zgjedhje të lira. Madje kreu i saj, Lulzim Basha tha se protesta duhet shtrirë në të gjithë Shqipërinë.
“Nuk duam më fasada. Duam ta shtrijmë protestën anembanë Shqipërisë, asgjë nuk do jetë më si më parë, deri sa zëri i shqiptarëve për zgjedhje të lira të dëgjohet dhe vullneti i tyre të respektohet. Ta rrëzojnë këtë qeveri, si garancia e vetme që mos të rrëzojë të vetmin institucion që e mban vendin në këmbë, zgjedhjet e lira. Të qëndrojmë këtu sa të largojmë qeverinë dhe t’i japim zgjidhjen që meritojnë shqiptarët”, tha Basha.
Por për momentin nuk ka asnjë sinjal që çadra e opozitës e ngritur para Kryeministrisë do shfaqet dhe në ndonjë qytet tjetër.
Nga ana tjetër, edhe sot, shefi i ekzekutivit, Edi Rama, tha se pas protestës së opozitës e cila ka çuar deri në bojkotimin e parlamentit (mazhoranca i përmbahet qëndrimit që protesta të mos cenojë aktivitetin parlamentar), ka të tjera interesa, që, sipas tij lidhen me bllokimin e Vettingut. /tesheshi.com/
