Kreu demokrat Basha vizitoi naftëtarët e Ballshit që kanë hyrë në grevë urie, të cilët kanë pa marrë pagat e disa muajve nga kompania private që menaxhon Rafinerinë e atyshme, por që ata e kërkojnë zgjidhjen e këtij halli nga qeveria.
Basha u tha atyre se ai mund t’u përgjigjet vetëm pas 25 prillit, duke besuar se pas kësaj date do ketë diçka në dorë si kryeministër.
“Bëhuni të fortë!
Hajde të bëhemi bashkë ta ndryshojmë sepse ky është një vend i pasur, por i vjedhur.
Hajde t’i japim fund kësaj vjedhje dhe të hapim një faqe të re ashtu siç e meritoni për ju për këtë komunitetit për industrinë e naftës dhe të gjithë shqiptarëve.
Kjo është ftesa ime për ju. Unë kaq kam në dorë sot”, tha Basha. /tesheshi.com/
