Basha, te “astirasit” e bërë për spital: të mbahet përgjegjësi!

Kryetari i Partisë Demokratike, Lulzim Basha ka vizituar të lënduarit e mëngjesit të sotëm që u rezistuan punimeve të ndërtimit në “Unazën e Re”.  mes një grupi banorësh dhe punonjësve të IKMT-së e Policisë.

“Gjendja e të plagosurve vazhdon të mbetet e rëndë; janë dhunuar në mënyrën më barbare; të moshuar të gjakosur nga dhuna me shkopinj dhe grushte. Një pjesë e tyre janë të shtruar, një pjesë jo. Ky është një bilanc i një goditje të planifikuar nga Edi Rama, nga qytetarët e pafajshëm  dhe të pambrojtur që mbronin banesat e tyre”, deklaroi Basha duke shtuar se e gjitha kjo ishte një përpjekje për të fshehur vjedhjen e madhe, të ashtëquajtur “Unaza e Re”.

“Është e rëndësishme që të kuptohet se nuk bëhet fjalë për një projekt zhvillimi, s’ka të bëjë me një rrugë të re, është një projekt vjedhjeje i denoncuar nga PD, qytetarët dhe i faktuar më vonë nga mediat prestigjioze ndërkombëtare siç është Zëri i Amerikës. Për të mbushur xhepat e tij, nuk kursen as shëndetin e qytetarëve, një akt kriminal kundër banesave të tyre, jetëve të qytetarëve. Paralajmëroj gjithsecilin përgjegjës, nga urdhëruesi Edi Rama, deri te Erion Veliaj që do mbajnë përgjegjësi para ligjit. Kemi zotimin se çdo centimetër katror i pronës së tyre do kompensohet me vlerën e  tregut.  Opozita ka qenë dhe është në krah të qytetarëve të Astirit”, përfundoi ai. /tesheshi.com/