Kreu i opozitës Basha pretendon, referuar një treguesi, se biznesi në Shqipëri është i zhvatur na qeverisja “Rama”.
“Të punosh dhe bësh biznes në Shqipëri është një luftë e përditshme me qeverinë dhe zyrtarët e korruptuar.
Sistemi që ka ngritur për të zhvatur bizneset, u merr atyre 32 ditë në vit për të paguar 35 lloje të ndryshme taksash dhe tarifash. Kjo llogari e publikuar nga Organizata për Bashkëpunim Ekonomik dhe Zhvillim – OECD, fakton sa i drejtë është vendimi ynë për të ndryshuar këtë sistem mbytës për ekonominë e çdo familje”, shkruan kreu demokrat.
“Me taksën e sheshtë 9 %, me një sistem taksimi të unifikuar, të lehtë dhe të parashikueshëm, do ta shndërrojmë Shqipërinë në një vend tërheqës për të punuar, investuar dhe bërë biznes”, premton Basha. /tesheshi.com/
