Lideri i opozitës në Shqipëri, Lulzim Basha është takuar në Uashington me zyrtaren e lartë të Departamentit të Shtetit Victoria Nuland, pa praninë e asnjë pjestari të delegacionit të tij, që janë deputetët: Mediu, Selami dhe Strazimiri.
Lajmin për këtë takim e ka dhënë vetë Basha në një postimi të shkurtër në Facebook.
Në lajm, ku jepet edhe një foto gjatë shtrëngimit të duarve Basha thekson: “Me Ndihmëssekretaren amerikane të Shtetit Victoria Nuland. SHBA do të ndihmojne Shqipërinë të realizojë zgjedhje të lira dhe të ndershme si një parakusht për të ecur përpara për zhvillimin e saj dhe në rrugën drejt integrimin në BE”.
Asnjë info tjetër nuk është dhënë për takimin më të rëndësishëm të kreut të PD-së në Uashington. Vetë bisedimi kokë më kokë pa praninë e deputetëve dhe mungesa e një deklarate për shtyp, është në fakt një tregues se ajo që është diskutuar ka më shumë rëndësi për atë që do të bëjë opozita në të ardhmen sesa çfarë do të thotë. Hapi më i afërt është reforma në drejtësi.
/tesheshi.com/
