Kreu demokrat Basha tha se u takua me kreun e ri të PPE-së, Donald Tusk, ku sipas tij, ka ndarë me të shqetëimet për momentin politik ku ndodhet Shqipëria.
“Ndava me Presidentin Tusk vendosmërinë time për të luftuar fort për plotësimin e të gjitha detyrimeve që vendi ynë ka për hapjen e negociatave, dhe për të bindur me rezultatet e punës tonë vendet skeptike, sic kemi bërë për anëtarsimin në NATO dhe heqjen e vizave.
Gjeta mbështetjen e plotë dhe gatishmërinë e Presidentit Tusk për të na ndihmuar në këtë proces transformimi rrënjësor të vendit tonë, duke vendosur në Shqipëri standartet e Bashkimit Europian, zgjedhje të lira dhe të ndershme, funksionimin e shtetit ligjor, barazinë para ligjit, luftën kundër korrupsionit, ndarjen e politikës nga krimi dhe zhvillimin ekonomik.
Presidenti Tusk theksoi se në një betejë politike, e vërteta dhe vendosmëria do të triumfojnë kundër lajmeve të rreme, manipulimeve dhe urrejtjes, ndërsa shprehu angazhimin për ta ndihmuar Shqipërinë të thotë të vërtetat e saj larg propagandës”, thekson Basha në një njoftim për publikun.
E në fund shton duke thënë se “Presidenti i PPE, mirëpriti ftesën time për të vizituar së shpejti vendin tonë”. Kujtojmë se Donald Tusk në rolin e kreut të Këshillit të Europës, vizitoi Tiranën pak kohë më parë, në prag të vendimmarjes për negociatat. /tesheshi.com/
