Kreu demokrat Basha iu rikthye vizitave në terren te biznesit, duke thënë se nga përballja me ta mësoi se fjala ‘falimentim’ është kryefjalë këto ditë të krizës pandemike.
“Gjendja e bizneseve bëhet çdo ditë e më keq.Nuk ka xhiro, nuk ka konsum, nuk ka parà, sepse kjo qeveri nuk i ka në llogari ata që punojnë me ndershmëri. “Po falimentojmë”, është ajo që dëgjova më shpesh sot nga pronarët e bizneseve të vogla në njësinë 3 në kryeqytet.
Është njësoj keq kudo. Në Tiranë, në Durrës, në Shkodër, në Vlorë, në Korçë. Në çdo cep të Shqipërisë bizneset po mbyllen, papunësia po rritet dhe numri i familjeve në varfëri është shtuar”.
E për Bashën, jo virusi por krteministri, është përgjegjës për këtë situatë.
Sot qytetarët e kanë kuptuar se kjo qeveri dhe kryeministër është e keqja e vendit, e keqja e ekonomisë, është barra më e rëndë për ta”, shkruan Basha. /tesheshi.com/
