Kreu i Partisë Demokratike, Lulzim Basha sulmoi projektin 1 miliard dollarë të qeverisë të përfshirë në buxhet si një projekt kriminale që do të shkrijë krimin me qeverisjen në Shqipëri. Duke folur në Parlament, Basha solli një panoramë të errët kur tha se bankierë qeveritarë dhe kriminelë janë bërë bashkë për të shkatërruar Shqipërinë.
“Çdo gjë do të thellohet me projektin 1 miliard, një projekt kriminal që do shkrijë në një, krimin, biznesin dhe politikën. Projekti 1 miliard është rruga e konsolidimit të konsorciumit politiko-kriminal i cili ka për synim: të sundojë Shqipërinë për dekada. Forma më e rrezikshme e krimit nuk është një grup kriminelësh me armë në dorë që grabisin me forcë apo transportojnë drogën, por kur bëhen bashkë krimineli, qeveritari dhe bankieri dhe bien në ujdi për të plaçkitur dhe kontrolluar një vend të tërë”, tha Basha. /tesheshi.com/
