Edhe demokratët e Mamurrasit, ata me të cilët Sali Berisha mund ta rrëzonte Nanon e merrte pushtetin, janë pozicionuar kundër Lulzim Bashës, duke kërkuar largimin e tij.
Është Arjan Metaliaj, kreu i degës së PD-së në Mamurras, i cili ka sulmuar listën e kandidaturave të eprorit politik, duke e përçmuar atë me shprehjen e “se kjo është Republika e Re e kryetari Basha”.
“Lulzim Basha ka shëndërruar këtë forcë politike në një shoqatë, dhe personalisht kam kundërshtuar Bashën në përzgjedhjen e kandidatëve, pasi jemi referuar disa personave të tjerë me integritet për në listën e subjektit tonë politik, ndaj dhe Basha personalisht mua më konsideroi tradhëtar.
Është tepër zhgënjyese për mua personalisht dhe tërë armatën e demokratëve mamurrzakë, që të njihemi me të tilla rezultate, në një zonë e cila tradicionalisht është e njohur ndër zonat me rezultatet e pritshme në favor të së djathtës.
Ne demokratët e Mamurrasit kërkojmë largimin e menjëhershem të Lulzim Bashës nga posti i tij, ndërsa nuk do të njohim si lider këtë njeri që shkatërroi Partinë Demokratike në Mamurras dhe në tërë vendin”, i tha nga kreu lokal i degës së PD-së, Mamurras. /tesheshi.com/
