Kryedemokrati Basha e ka dhënë më së fundi përgjigjen e tij në lidhje me foton e publikuar nga deputeti socialist Taulant Balla, ku kreu i selisë blu shfaqej në një foto me të vëllanë e njërit prej kushurinjve Vladi, të cilët janë në kërkim nga policia si porositës të sasive me euro që u gjendën në një Toyota ardhur në Portin e Durrësit.
“Nuk e njoh…”, ka qenë përgjigja e Bashës, i cili më pas kanë ka bërë dhe një inversion logjik sipas parimit “mbrojtja më e mirë, sulmi”.
“E ka marrë atë foto nga banda e Elbasanit. Nuk mbaj të ma ketë prezantuar kush atë person. Ta marrin dhe ta arrestojnë nëse ai është person i dyshuar. Unë takoj me mijëra njerëz. Personi në fjalë nuk më thotë asgjë”, u shpreh Basha.
Kreu demokrat u shpreh i bindur se pas Toyotës me euro qëndron Balla, ndërsa ky i fundit ka bërë kallzim për ta çuar çështjen në gjyq. /tesheshi.com/
