Lulzim Basha do të ketë betejën e radhës me kundërshtarët e tij sot në mbrëmje kur PD do të mbledhë Këshillit Kombëtar.
Në orën 18:00 “parlamenti i opozitës” do të ndryshojë statutin në bazë të një pakete që është përgatitur nga Arben Ristani.
Mbledhja e Këshillit është paraprirë nga një mbledhje Kryesie, e cila ka zgjatur disa orë dhe ku janë miratuar shpejt e shpejt propozimet për ndryshimet në statut,
Sipas kritikëve të Bashës, ndryshimet në statut kanë kalcifikuar pengmarrjen e kësaj force politike, ndërsa një tjetër pikë për të cilën ata kanë shprehur pakënaqësi është ajo se në statut nuk është sanksionuar dorëheqja e Kryetarit në rast të humbjes së zgjedhjeve.
Propozimet e kritikëve duket se kanë frikësuar mbështetësit e Bashës, pasi nuk i kanë sanksionuar në statut.
Sipas njerëzve të Bashës, nëse vendoset në statut dorëheqja e kryetarit, kjo do të çonte në atë që grupime të caktuara mund të punonin kundër në zgjedhje vetëm për të çuar drejt dorëheqjes kryetarin e forcës më të madhe të opozitës. /tesheshi.com/
