PD ka marrë vendimin ekstrem që të hënën, një ditë para mbërritjes në Tiranë të njeriut tjetër të Merkelit për të negociuar fundin e çadrës, kreut të PPE-së, Mcallister, të dalë në rrugë e të bllokojë qarkullimin për një orë.
“Në funksion të arritjes se këtij qëllimi madhor, të këtij vendimi të patjetërsueshme të 18 shkurtit, opozita e bashkuar me në krye PD ka vendosur intesifikimin e protestës qytetarë ne të gjithë Shqipërinë. Duke ruajtur si pishtar, si bërthamë të kësaj lëvizje çadrën e lirisë 24 orë në ditë, por duke e shtrirë atë në mbarë vendin. Ditën e hënë të gjithë qytetarët shqiptarë, të djathtë, të majtë, patriotë, të rinj, të reja të bashkohemi midis orës 11-12 në bllokimin total të trafikut kombëtar në të gjithë Shqipërinë. Ky është vendimi i opozitës së bashkuar. Kjo është një orë e madhe solidariteti kombëtar, është një orë e madhe mesazhi. Kurrë më nuk do të ketë tërheqje dhe kompromis por vetëm qëndresë deri në hedhjen e themelit të republikës së re që janë zgjedhjet e lira dhe të ndershme. Por është edhe fillimi i një aksioni politik i cili vetëm do të përshkallëzohet për të kulmuar në një tjetër kulm në 7 maj ku ne do ti rrimë fjalës së dhënë së shqiptarëve dhe kavajasve për të mos ia dorëzojmë më Kavajës krimin dhe t’i them ndal krimit në Kavajë dhe pastaj në të gjithë Shqipërinë”, tha Basha.
Vendimi për këtë protestë sjellë në kujtesë protestën me bllokim rrugësh e djegje gomash që PS ndërrmori në majin e vitit 2011, pasi KQZ vendosi për rinumërimin e disa kutive të votimit të zgjedhjeve në Tiranë, ku Rama doli fitues me 10 vota ndaj Bashës. Protesta ishte si një reagim ndaj skemës së manipulimit, e cila, edhe pse duket hapur se ishte e tillë, ajo nuk gjeti përkrahje në popull. /tesheshi.com/
