Nuk dihet se si, por kreu demokrat Basha vendos që siç me tërmetin, të aktivizojë struktura partiake në terren nën pekt humanitar, një veprim që do kryhet pra në kushtet e diktimit të një izolimi shoqëror.
Duke zhvlerësuar tërësisht aksionet qeveritare të ndihmës, Basha ia atribuoi vetëm opozitës ndjeshmërinë humane nën krizën koronare.
“Sot bisedova përmes disa videokonferencave me drejtuesit dhe përfaqësuesit e Partisë Demokratike në të gjithë Shqipërinë, lidhur me situatën e rëndë që po kalon vendi.
E përbashkëta kudo është që qytetarët janë në vështirësi për të siguruar jetesën e përditshme. Shteti ka lënë në harresë mijëra familje në nevojë dhe biznese. Shumica nuk kanë marrë akoma asnjë ndihmë apo mbështetje nga qeveria, ndërkohë që ju duhet të paguajnë edhe faturat e rritura të dritave dhe ujit.
Ne do vazhdojmë të jemi në kontakt me njerëzit për t’ju dhënë zë problemeve dhe halleve të tyre në këto ditë të vështira. Pa asnjë vonesë, qeveria duhet të shpërndajë fondet e mbijetesës dhe të përfshijë menjëherë të gjithë familjet dhe njerëzit në nevojë. Të mbështesë sipërmarrjen në vështirësi mbijetese, biznesin e vogël, fermerët, fasonët, bizneset prodhuese dhe turizimin, pa përjashtuar askënd”, tha Basha.
Sipas tij,” kontrasti është i qartë: kemi një qeveri që nuk do t’ia dijë për njerëzit, kjo është koha kryesore ku ne të jemi në terren, aty ku është vuajtja”.
” Njerëzit do ta kuptojnë që edhe në këto ditë të pandemisë PD ishte në krah”, tha Basha. /tesheshi.com/
