Kreu i PD-së, Lulzim Basha, ka përdorur gjuhë force sot në duke folur nga çadra në ditën e 80-të të protestës, kur duket se çdo afat ligjor ka përfundur dhe opozita e drejtuar prej tij po mbetet jashtë zgjedhjeve parlamentare.
Ai paralajmëroi mazhorancën se do të përballet me popullin pas 13 majit kur shënohet dhe protesta e radhës e opozitës në Tiranë, ndërsa më tej ka përdorur fjalorin e diktatorit filipinas Duterte ndaj trafikantëve të drogës. Kreu i opozitës ka sulmuar sërish pronarin e një universiteti privat, Henri Çilin, vetëm sepse ai ka qenë kritik në media ndaj tij.
Ndërkohë një media online në Tiranë cityneës, ka shkruar sot PD-ja ka kontraktuar një marins amerikan për stërbvitur armatat e protestës së opozitës duke parashikuar kështu mundësinë e dhunës më 13 Maj.
Basha për Ramën:
“Rama dhe çeta e tij politike që nuk i shërbeu asnjë ditë halleve të shqiptarëvre ta mendojë mirë hapin tjetër që hedh. Jeni jashtë ligjit, jashtë moralit, jashtë politikës dhe të tillë do të trajoheni nëse nuk tërhiqeni menjëherë. Votim monist më 18 qershor nuk do të ketë, votim pa opozitën nuk do të ketë, parlament të diktuar nga krimi nuk do të ketë. Ne bashkohemi për të nisur më 13 maj themelimin e Republikës së re për çdo qytetare e çdo qytetar shqiptar. Njohim e do të njohim vetëm këtë Republikë të re, bëhuni pjesë e konsensusit ose përballuni mepopullin”- tha Basha.
Basha për trafikantët
“Ju bëj thirrje kriminelëve që helmojnë fëmijët e shqiptarëve, hiqni dorë sepse do të uroni të kishit litarin në fyt me atë që do t’iu bëjmë nëse vazhdoni të helmoni fëmijët tanë. E zeza do t’iu pijë, do t’iu shfarosim”.
Basha për Henri Çilin
“Akademikët dhe studentët do të jenë ata që do të menaxhojnë universitetet. Edhe Henri me shokët e tij do të kenë një copë diell në Republikën e Re, por që të bëni këtë duhet të konkurroni me sektorin publik, por nëse nuk e bëni këtë do merrni ( kreu i PD-së tregon brrylin)”./tesheshi.com
