Duke parë trendin e humbjes, kreu demokrat Basha ka marrë argumentin e Metës për ta përligjur rezultatin e deritanishëm. Sipas tij, deri më tani janë numëruar kuti të ditura për avantazhin e PS-së. Basha beson të përmbysja e rezultatit në vijim, suke shprehur bindjen se PD ka fituar.
“Siç e dimë të gjithë, qendrat e para që numërohen të cilat janë të përcaktuara nga partia në pushtet, favorizojnë historikisht partinë në pushtet.
Sistemi është bërë i tillë me kutitë ku gjoja PS-ja do të ishte më mirë. Kemi të bëjmë me një humbje të thellë të Partisë Socialiste dhe një fitore, një rritje të numrit të votave për Partinë Demokratike, për koalicionin për ndryshim”, tha Basha.
Ai vijoi duke thënë se “vullneti i popullit është në ato kuti, numërimi do të bëhet në mënyrë strikte dhe rigoroze sipas ligjit dhe unë jam i bindur që ashtu siç janë kthyer në ato që i konsideronin bastionet e tyre, ashtu në fund të ketij numërimi ndryshimi do të jetë i prekshëm për të gjithë”, ishin fjalët e Bashës. /tesheshi.com/
