Shifrën “1 milion”, që dikur Rama në opozitë e servirte për të papunët, Basha e huazon për të urriturit në këtë kohë krize. Sipas tij, aktualisht kaq janë shqiptarë që po vuajnë për bukën e gojës, e kjo për faj të qeverisë.
Nga Elbasani, Basha tha se vetëm plani i PD-së e nxjerr vendin nga kriza, e që gjithashtu u “shuan urinë” 1 milion shqiptarëve.
“Nuk është për konkurrencë politike. Do ketë kohë për përgjegjësitë. Planin e kemi bërë bashkë me ekspertët për ta zbatuar qeveria. Plani është i zbatueshëm. Ky plan me pesë pika të nisë të zbatohet një orë e më parë, për të ndihmuar afro një milion shqiptarë që për shkak të krizës rrezikojnë bukën e gojës”, u shpreh Basha. /tesheshi.com/
