Ka shënuar një precedent kjo fushatë teksa nga opozita po vlerësohet më në fund një vepër publike të cilën e promovon qeveria.
Kryedemokrati Basha nuk ka mundur të vë pikëpyetje mbi Rrugën e Arbrit, që në fakt nisi që në kohën e qeverisjes së PD-së, por që po realizohet e përfundohet nga PS.
“Padiskutim, përfundimi i Rrugës së Arbrit do ta bëjë Dibrën një nga qendrat më të afërta me kryeqytetin dhe do të nxisë kësisoj jo thjesht trafikun por dhe shkëmbimin ekonomik me qendër më të madhe ekonomike të Shqipërisë, do ta sjellë shumë më afër edhe infrastrukturës turistike të turistëve të cilët janë dhe duhet të jenë në të ardhme një nga prioritetet tona për t’i njohur jo thjesht me bregdetin por me gjithë bukuritë e mahnitshme të Shqipërisë”, tha Basha në një takim në Peshkopi.
Por në pjesën klasike akuzatore, Basha akuzoi qeverinë se i dha goditje Dibrës me mbylljen e filialit të Universitetit të Tiranës, apo se fermeri dibran është lënë pa ndihmë. /tesheshi.com/
