Kreu demokrat Basha mblodhi aleatët e tij të dielën pasdite, në parapërgatitje për protestën e së hënës parlamentit.
“Mbledhja e tryezës se aleatëve të PD në përkrahje të protestës kundër puçit kushtetues. Interesi i Ramës është të mbyllë dosjen e Saimir Tahirit dhe të dosjeve të tjera të krimit. Rama ka një qellim, të emërojë një prokuror politik për të mbrojtur pushtetin e tij të inkriminuar. Nëse nesër Edi Rama çon në fund puçin kushtetues, e bën me kosto të madhe, asgjëson reformën në drejtësi dhe bashkëjetesën demokratike”, deklaroi Basha.
Ndërkohë, nuk ka asnjë reagim nga kampi i mazhorancës që kur nga opozita është dhënë lajmi i protestës. Rama vetë ndodhet në Bruksel, e madje për të disatën të dielë radhazi nuk ka aplikuar dhe “fjalimet javore”. Mbetet ende e paqartë se si do reagojë shumica ndaj kërcënimeve politike të opozitës. /tesheshi.com/
