Partia Demorkatike ka ofruar një risi në akuzat dhe denoncimet e saj rutinore. Me anë të Sekretarit për Aksionin Qytetar, Ervin Salianji, është ofruar si fakt kultivimi i drogës në zonën e Tepelenës, prejardhja e ministrit Tahiri. Sipas selisë blu, ky është nëj argument se si qeveria është e lidhur me biznesin e drogës.
“Plantacionet me hashash në zonat e Tepelenës, kryesisht në Gusmar që është vendlindja e Saimir Tahirit dhe shumë drejtuesve të policisë, tregojnë realitetin e kanabizimit të vendit, një realitet dramatik për Shqipërinë, që Edi Rama mundohet ta mohojë. Në fillim, garda e parë e kanabisit janë postoblloqet e policisë, më pas kalon 2 ose 3 postoblloqe me banditë të armatosur deri në fyt, që qëndrojnë në makina superluksoze”.
Më pas Salianji tha se “ky është biznes kriminal që sjell miliona euro përfitime për bandat e Edi Ramës, e për atë vetë që përmes skemës kriminale merr 30 për qindëshin, biznes që rritet mbi mjerimin e fshatarëve të zonave, që shfrytëzohen me 10 ose 20 mijë lekë të vjetra në ditë”. /tesheshi.com/
