Si në rastin e tërmetit, edhe për koronavirusin kreu demokrat Basha vendosi të ofrojë një rol paralel nga ai i institucioneve.
“PD me grupin e punës do të menaxhojë hap pas hap situatën”, tha Basha.
Deklarimet e tij u bënë pas një takimi që ai pati në seli me ata që i konsideron “të tijtë” dhe në këtë lëmë.
“Gjatë ditës së sotme kemi pasur disa takime me ekspertët më të rëndësishëm të epidemive dhe të shëndetësisë të PD-së dhe specialistët të QSUT dhe konsulta me drejtues të OBSH. Në to kemi ndjekur zhvillimet hap pas hapi”, tha Basha, ndërkohë që në asnjë moment nuk përmendi rastin e Kavajës, ku orë më parë, nga PD u pretenduar se spitali në këtë qytet do shndërrohej në karantinë.
“Sot është koha të flasin mjekët, të hartohet plani i detajuar i masave konkrete, do të ndahet dhe shpërndahen me qytetarët që të informohen për masat, t’u vihet në ndihmë të të rrezikuar, të krijohet një regjistër nga personat që vijnë nga këto zona.
Nuk është koha për propagandë, por të flasin mjekët!”, ishin fjalët e Bashës, që duket sikur shkonin dhe për Berishën, kjo në dy kahje të kundërta me njëra-tjetrën, pasi Berisha është gjithashtu dhe mjek.
“Qeveria në mbështetje të ekspertëve. Ju bëj thirrje mos neglizhoni asnjë shenjë grupi dhe të bashkëpunoni me strukturat shëndetësore, se do jetë më e lehtë.
PD po monitoron situatën në çdo komponent të saj, detyra jonë është që t’i shërbejmë përmes transparencës dhe të bëhemi zëri i ekspertëve”, tha Basha. /tesheshi.com/
