Ishte një ndër nocionet e harruara, por është rikthyer pas gati çerekshekulli që nga koha e rënies së komunizmit, pjesë e së cilit ishte. Bëhet fjalë për “stazhin”, cili ndahej në dy pjesë: profesional dhe ideologjik. Ky i dyti quhej dhe “stazh partie”. Ndërsa ai profesional kishte të bënte me të rinj të cilët pas shkollës, e mesme apo e lartë, dërgoheshin për ca kohë për edukim në gjirin e klasës punëtore.
Në një takim me të rinjtë në selinë blu, kreu i saj Basha u ka dhënë atyre pikërisht këtë premtim – kthimin e stazhit të punës për të rinjtë – ndonëse shumë prej atyre që e kanë dëgjuar si fjalë nuk ia dijnë kuptimin.
“Do të paguajmë stazhin për 176 mijë të rinj që kërkojnë punë”, tha Basha. Por kreu i PD nuk e specifikoi dhe e detajoi se çfarë është ky plan për rikthimin e stazhit.
Po ashtu, Basha sulmoi dhe reformën në Arsim, pikën e dobët të tyre që i penalizon jo pak sipas kritereve të reja – ku kryesor mbetet mesatarja e lartë – duke thënë se sapo të vijë në pushtet do e shfuqizojë atë. Dhe ishte pikërisht ky moment që fjala e tij morri duartrokitje. Në rastin e stazhit nuk pati asnjë reagim. /tesheshi.com/
