Kreu demokrat Basha ka refuzuar ftesën e Ramës për zgjedhjen e Kryeprokurorit, duke thënë se po shkelet Kushtetuta.
“Nuk mund të ketë asnjë bashkëpunim me një keqbërës që do të shkelë Kushtetutën. Thirrja ime e vetme është të zbatojë Kushtetutën sepse e ka për detyrë”, tha Basha në përfundim të mbledhjes së grupit parlamentar të PD-së.
“Kushtetuta e ka përcaktuar qartë. Prokurori i Përgjithshëm zgjidhet me 3/5 e votave. Prokurori i Përgjithshëm nuk mund të zgjidhet pa veting.
Pyetja shtrohet pse më shumë se 1 vit e gjysmë pas reformës në drejtësi Edi Rama do të zgjedhë apo të emërojë një prokuror pa bërë veting, vetëm me votat e maxhorancës? Përgjigja është e qartë: Për të mbrojtur paratë e pista të drogës, për të mbyllur dosjet e krimit, Tahirit, Habilajve, Balilajve, të oficerëve të lartë të policisë në kërkim, të Vangjush Dakos, Qazim Sejdinit, Arben Ahmetajt dhe Ilir Beqes”, tha Basha. /tesheshi.com/
