Gadishmërisë së Ramës për të ardhur në çadër e dialoguar, kreu demokrat Basha i është përgjigjur me mirëseardhje, me kushtin e vetëm që të firmosë qeverinë teknike. Deklarimet u bënë gjatë një takimi të Bashës me fermerë, në ditën e 15 të protestës. Aty Basha tha se është Rama dhe jo ai apo opozita, që po e bllokojnë rrugën e integrimit drejt Europës.
“Rama po e bllokon hyrjen e Shqipërisë në Evropë me drogën, krimin dhe moszbatimin e dekriminalizimit. Edi Rama solli dhe mban kriminelët në pushtet, mbushi Shqipërinë me drogë dhe nxori bandat nga burgu për të prishur zgjedhjet e lira dhe të ndershme. Zhbllokimi i rrugës evropiane të Shqipërisë vjen nga lufta kundër drogës e parave të drogës, nga zbatimi i dekriminalizimit, nga zbatimi i reformës së vërtetë në drejtësi, nga largimi i Edi Ramës. Nëse ai vendos zhbllokimin e rrugës evropiane të Shqipërisë, unë e mirëpres në këtë çadër për të firmosur qeverinë teknike”, tha Basha. /tesheshi.com/
