Kreu demokrat Lulzim Basha gjatë fjalës së tij në Kuvend i ka kushtuar vëmendje situatës në Elbasan, për të cilën tha se krimi ka cënuar vetë shtetin.
Basha iu referua incidentit më të fundit, ku një automjet i blinduar, ka goditur makinën e policisë ku ndodhej edhe zv.drejtori Gjergji Oshafi.
Basha tha se pas incidentit me policinë fshihet dhëndri i kryebashkiakut të Partisë Socialiste në Elbasan, Qazim Sejdini. Madje ai shkoi edhe më tej me akuzat kur tha se bashkëshortja e kryebashkiakut është duke u hetuar për trafik të drogës.
“Policia refuzoi urdhërin e prokurorisë për të përgjuar disa anëtarë të bandës, pas disa ditësh policia e mohon që është ushtruar dhunë dhe gjithçka mbyllet si incident i rëndomtë. Qyteti i kësaj historie është Elbasani, banditi është dhëndri i kryebashkiakut, ndërsa kompania e gruas është duke u hetuar për trafik droge. Një bandë kriminelësh ushtron dhunë të hapur ndaj policisë, policia refuzon t’i hetojë dhe ti përgjojë. Policët nuk guxojnë të përgjojnë banditin, por heshtin. Përgjigjen e dini të gjithë, në Londër para disa ditësh agjencia botoi raportin për rrezikun e krimit, një nga konkulizionet ishte: grupet shqiptare kanë profil të lartë dhe kanë kontroll në trafikun e drogës. Pyetja është si shpjegohet që brenda 4 vitesh u kthye në vend që prodhon rrezik, Shqipëria”, tha ai.
Në vijim Basha është ndalur në akuza konkrete të qeverisë si të lidhur me krimin dhe drogën. Ai tha se as këtë vit Shqipëria nuk do të mund të fitojë çeljen e negociatave për integrimin në BE, teksa deklaroi nga podiumi se PD ka bërë shumë rreth çështjes së Integrimit.
“Ta nisësh luftën kundër krimit dhe drogës duhet më parë të bësh këto. Largo Gramoz Ruçin dhe Fatmir Xhafën, kërko shkarkimin e Qazim Sejdinit, spastro radhët e drejtuesve të korruptuar të policisë. Këto ti nuk di bësh dhe as nuk ke ndërmend ti bësh”, tha Basha duke ju drejtuar Ramës. /tesheshi.com/
