Në një reagim të radhës anti-“Anti-KÇK”, kreu demokrat Basha e sheh këtë paketë të qeverisë “Rama” si në radhë të parë kundër vetë qeverisë.
“Rama ka frikë nga hija e vet. Është tmerruar nga ligjet e veta. I rrethuar nga kriminelë e mafiozë, ai vazhdon t’i mbrojë ata me gjithçka ka në dorë. Edi Rama gënjen sa herë që hap gojën; pretendon se po lufton krimin kur në fakt mishërimi më i qartë i KÇK është…vetë qeveria e tij”, shkruan kreu demokrat.
PD e ka kundërshtuar që në fillim këtë paketë, duke e konsideruar dubluese të SPAK-ut, ndërkohë që orët e fundit ajo ka marrë një mbështetje të fortë ndërkombëtare. /tesheshi.com/
