Për kreun demokrat Basha, programi i PD-së do sjell fitoren e saj më 25 prill. Por dhe ai futi në lojë një qasje te re në ligjërimin politik ofertues; atë që ai nuk premton.
“Ne kemi vite që paraqesim ofertën tonë dhe jo premtime. Unë nuk bëj premtime, PD nuk bënë premtime. Ky që është shpalosur dhe do të vijojë të shpaloset është angazhim dhe plan pune konkret.
Është ky plan pune në qendër të të cilit janë hallet e qytetarëve të shkaktuar në 8 vite nga keqqeverisja e Ramës”, tha Basha në një dalje për shtyp për të shpjeguar programin demokrat.
Me këtë plan përfitojnë të gjithë vetëm njëri nuk fiton; me këtë plan humb Edi Rama”, theksoi i pari i opozitës.
Krah tij, një ndër zërat ekonomikë në PD, Dorian Teliti, tha se ulja e taksave në program do sjellë rimëkëmbjen ekonomike.
“Ulja e menjëhershme e taksave është zotimi ynë. Ky nuk është objekti ynë por instrumenti që do të sjellë rimëkëmbjen e ekonomisë shqiptare dhe rikthimi në shinat e zhvillimit.
Ne angazhohemi të heqim taksën progresive mbi pagat duke e vendosur atë të sheshtë 9 % nga 13% që është sot duke ruajtur fashën prej 30 mijë lekëve pa u tatuar. Ne kemi vendosur një tavan që të gjitha taksat dhe tarifat lokale të mos e kalojnë këtë tavan”, argumentoi Teliti. /tesheshi.com/
