Kreu i PD-së Lulzim Basha, ka publikuar dosjen e plotë të hetimit të bandës së trafikut të drogës ku bënin pjesë dhe vëllezërit Habilaj, e ku i arrestuar prej dje është Moisi Habilaj, nga goja e së cilit, gjatë një bashkëbisedimi me trafikantit tjetër. Sabaudin Çela, ka dalë emri i ish-kreut të Rendit, Saimir Tahiri.
Basha ka zgjedhur këtë formë denoncuese, ku sipas tij provohen lidhjet e ish-ministrit të Ramës me trafikun e drogës.
Në dosje gjendet dhe një dialogim mes Moisi Habilajt dhe të vëllait, Florianit, teksa ky i dyti e informonte se po shkonte në Tiranë për të takuar “shefin e madh”
Floriani: Më ka kërkuar shefi i madh në Tiranë
Moisiu: Çfarë donte shefi?
Floriani: Asgjë, për situatën
Orë më parë, në një deklaratë për shtyp, ish-ministri Tahiri hodhi gjthçka poshtë dhe tha se ishte i gatshëm të hetohej për të dalë në dritë e vërteta. /tesheshi.com/
