Kryedemokrati Basha, siç për zgjedhjet e 25 prillit, edhe për rivalietin me Berishën, pretendon se është ai më i pëlqyeri.
Në një konferencë për gazetarët, për këtë çështje ai u pyet e më pas u përgjigj:
“Pyetje: Zoti Basha, sipas një sondazhi rreth 85% e anëtarësisë së PD janë kundër drejtimit të PD nga ana juaj. A mendoni se në këto kushte duhet të jepni dorëheqje nga posti për të mos e çuar PD në përçarje?
Lulzim Basha: Sipas sondazheve të mia, 95% e demokratëve kërkojnë që të udhëheq unë betejën kundër regjimit Rama-Doshi-Rakipi dhe mbështesin axhendën e përcaktuar nga unë për të pastruar politikën nga llumi i tranzicionit”, ishte përgjigja e njeriut të parë të opozitës.
Kjo lloj përgjigjeje ka provokuar menjëheë reagime brenda partisë së tij.
Edi Paloka, një berishist i thekur, iu kthye:
“Lul!
Nëse ke bindjen se 95% e demokratëvde të mbështesin, atëherë na e hiq këtë siklet ku na ke futur të gjithëve. Mos jep dorëheqje, nëse ke bindjen që ke vepruar drejt dhe për këtë ke mbështetjen e 95% të demokratëve, kërko votëbesimin e tyre dhe ndale përcarjen që po thellohet cdo ditë e më shumë prej vendimit tënd personal të 9 shtatorit! Nëse 51% e jo 95% e demokratëve të mbështesin, ke gjithë legjitimitetin të vazhdosh në krye të PD e të gjithë demokratët kanë detyrimin të bashkohen për të bërë betejën me atë që është armiku jo vetëm i demokratëve po i gjithë shqiptarëve, Edvin Kristaq Ramën!”, shkruan ish-nr.2 i PD-së. /tesheshi.com/
