Një deklarim i fundit i kreut të PD-së Lulzim Basha, pothuaj e ka bërë të qartë strategjinë e zgjedhur për të bërë opozitë, e cila ditët e fundit është shtrirë dhe në akte fizike, siç qe shkatërrimi i disahershëm i rrethimit të një kantieri pune në Kodrat e Liqenit në Tiranë, ku do të ngrihet një kënd lojrash për fëmijë.
“Protestë, rezistencë, përballje. Kjo është rruga e qytetarëve. Ky është shpëtimi. Ndryshe vjedhja, korrupsioni, shkelja e ligjit, zhvatja e pasurive publike do të shtohen çdo ditë, do asfiksojnë vendin, do mbysin demokracinë”, ka thënë Basha në një deklarim të fundit për median.
“E vetmja rrugë që i ka mbetur qytetarëve është të përballen me kampin e sunduesve të korruptuar. Të qëndrojnë përballë tyre. T’u rezistojnë me forcë dhunuesve e plaçkitësve”, është shprehur kreu i opozitës. /tesheshi.com/
