Pas peticionit të demokratëve të zhgënjyer të Vlorës dhe të Tiranës, që i kërkonin Lulzim Bashës të anulonte zgjedhjet në parti, një peticion i ngjashëm ka ardhur nga Shkodra.
Nga vendlindja e kundërshtares së tij, Jozefina Topalli, Bashës i kërkohet që të ndalojë zgjedhjet e imponuara dhe të punojë për rimëkëmbjen e partisë.
Nënshkruesit e peticionit shprehen se “Basha duhet të marrë përgjegjësi për disfatë e 25 qershorit dhe jo të justifikohet duke fajësuar kundërshtarin politik për manipulim apo blerje vote“.
Peticioni u publikua vjen pikërisht sot kur Basha ka planifikuar një takim në qytetin e Shkodrës në kuadër të zgjedhjeve në PD.
Nga ana tjetër rivali i vetëm në garën për kryetar, Eduard Selami, i ka kërkuar Bashës që të japë dorëheqjen nga kreu i partisë.
“Dorëheqja do të ishte një veprim qe do t’i shërbente atij vetë, por dhe PD-së. Do i hapte rrugë një procesi të lirë. Prapë nuk është vonë të dorëhiqet, pasi kandidatin përballë e ka shumë të mirë dhe do ta lërë partinë në dorë të mirë dhe të sigurt”, – tha Selami.
Sipas tij Basha është lider i dështuar dhe që braktis premtimet.
“Diferenca me e madhe është mes të thënës dhe të bërës. Kur e dëgjon zotin Basha, thua lum si unë por kur e sheh ne PD thua mjerë si ne. Nuk mund te qahesh, i njeh nga pikëpamja teorike si funksionon një demokraci bashkëkohore. Por 4 vite më vonë jemi me larg se kurrë. Pse? Sepse ai nuk i zbatoi ato që premtoi”, është shprehur Selami gjatë fushatës së tij në PD./tesheshi.com/
