Kreu i opozitës Basha u ofrua me familjen e tij para militancës në hapje të fushatës, me bashkëshorten dhe dy vajzat, duke përçuar kësisoj ndjesinë e një kryefamiljari të rregullt, por që nga kahja tjetër edhe Rama ka prej afro 10 vjetësh një familje të rregullt, pasi i dha fund bashkëjetesave pas një divorci bashkëshortor në vitet e para ‘90 me aktoren e njohur Matilda Makoçi.
Ndërkohë, ndër mesazhet e Bashës, ishte dhe ai që futjen në BE e quajti “mision hyjnor”.
“Kur të më zgjidhni kryeministër, misioni hyjnor është futja e Shqipërisë në BE. Që Shqipëria të jetë e fortë dhe e përparuar na duhet të lëmë pas 8 vite ngecje dhe hapa pas dhe 8 vite larg Europës dhe të nisim marshimin tonë të pandalshëm deri në anëtarësimin e plotë të kombit tonë në familjen tonë europiane”, tha Basha. /tesheshi.com/
