Kreu i opozitës Basha premtoi që të anullojë dhe koncensionet në mjekësi.
Të mbrojtura fort nga qeveria si zgjidhje për disa aspekte delikate të shërbimit shëndetësor, për Bashën ato janë pengesë.
“Mjeku më shumë se kushdo tjetër, ka përgjegjësinë më të madhe ndaj jetës, sepse puna e mjekut konsiston në shpëtimin e jetës.
Në qoftë se i jep përgjegjësinë të shpëtojë jetën dhe nuk i jep mjetet për të shpëtuar jetë, atëherë edhe ajo rrogë, sado që t’ia bësh, nuk i kthehet në bekim por në mallkim. Dhe kjo do të thotë anulim i menjëhershëm i këtyre koncensioneve.
Për ne, hapi i parë do të jetë anulimi i këtyre koncensioneve dhe financimi me urgjencë i gjithë sistemit shëndetësor, spitalet në të gjithë komponentët e tyre, por padiskutim edhe kujdesi për të forcuar , shëndoshur dhe sjellë në parametra të shërbimit dinjitoz edhe mjekun e familjes dhe të gjithë hallkat e tjera, duke përfshirë këtu farmaceutikën”, tha Basha në një takim me studentë të mjekësisë.
Ai potencoi dhe njëherë premtimin për rritje pagash në mjekësi, 1200 euro për mjekët dhe 700 euro për infermierët. /tesheshi.com/
