Në një takim me përfaqësues të shoqatave të pronarëve, kreu demokrat Basha pranoi përgjegjësinë e partisë së tij në atë që mund të konsiderohet si plaga më e madhe sociale shkaktuar nga politika ndër vite.
“Duke pranuar përgjegjësitë e PD në të shkuarën për këtë çështje, i sigurova përfaqësuesit e shoqatës së pronarëve se qeveria e ardhshme do të mundësojë një zgjidhje përfundimtare sipas standarteve europiane për pronarët, gjithmonë në konsultim me ta”, shkruan Basha në njoftimin mbi takimit.
Zgjidhjen e kësaj çështjeje, që në fakt është më e koklavituara e shoqërisë shqiptare, sigurisht dhe më e vështira për t’u zgjidhur, Basha tha se ia ka besuar një njeriu.
“Nën koordinimin e zonjës Ledina Mandia, ne do të ndihmojmë dhe do të ideojmë së bashku me shoqatën e pronarëve një korpus ligjor që do të përpiqet të japë zgjidhjen e duhur për pronën në Shqipëri”, thekson Basha. /tesheshi.com/
