Në tubimin e radhës, kreu demokrat Basha ofroi shifrën e 300 mijë shqiptarëve që sipas tij ushqehen 1 herë në ditë. Ishte kjo një ndër risitë e fjalimit të tij në Vaun e Dejës, në një fushatë takimesh me elektoratin, në parapërgatitje për protestën e 27 shkurtit.
“Çfarë është kjo gjendje, çfarë është ky vend ku nga çiftet e reja e deri tek pensionistët, i ka kapluar i njejti mjerim ekonomik?! Problemi vjen nga ata që kemi në krye, nga një aleancë hajdutësh dhe kriminelësh, që mendojnë vetëm për veten e tyre”, tha kryedemokrati.
“Nuk kanë asnjë ndjeshmëri. Prekin, shihin, ndjejnë që populli është në mjerim, por nuk ua ndjen për popullin. Nuk kanë asnjë ndjeshmëri, as për Jakun dhe zonjën e tij, që nuk kanë me se ta mbajnë frymën gjallë dhe prapë do të jenë në errësirë. Ndaj shpresa e vetme është t’i themi stop migrimit, t’i themi stop ëshpërimit. Të bashkohemi më 27 janar për të marrë fatin tonë në duart tona”, përfundoi fjalën e tij Basha. /tesheshi.com/
