Kryetari i Partisë Demokratike, Lulzim Basha ka përshëndetur pezullimin e kreut të Policisë së Shtetit dhe hetimet e Prokurorisë mbi të ashtuquajturën aferë të përgjimit.
Në një deklaratë për shtyp, Basha tha se Prokuroria verifikoi dyshimet e PD-së.
“Ky skandal, i denoncuar nga opozita, sot ka dalë në dritë sepse për shkak të hetimit kanë dalë rezultatet e para dhe gjykata ka urdhëruar pezullimi nga detyra të Haki Çakos dhe arrestimin e drejtorit të Forcave Operacionale.
Ne nuk do pranojmë koka turku në këtë proces kaq të rëndësishëm për sigurinë kombëtare, ne nuk do të pranojmë që njeriu në krye të këtij operacioni të pistë të vazhdojë të qëndrojë në detyrë.
Ndaj kërkojmë transparencë, por Edi Rama i është shmangur përgjegjësisë politike që ka për të larguar ministrin e Brendshëm. Pse e mban me thonj Rama Tahirin? Fakti që drejtori i përgjithshëm është pezulluar tregon implikimin e pashmangshëm të ministrit”, deklaroi Basha.
/tesheshi.com/
