Vjen i pari rast kur opozita artikulon një sukses përgjatë qeverisjes, të cilën e përfshin në ligjërimin e saj politik të përditshëm. Kryetari Basha tha se 5 vjet më parë, falë reformave, seriozitetit e angazhimit të Partisë Demokratike ra izolimi i fundit i Shqipërisë dhe shqiptarët fituan të drejtën e lëvizjes në Europë pa viza. Ndërsa sot sipas tij, asnjë hap i ri nuk është bërë në drejtim të integrimit.
“Për shkak të keqqeverisjes, korrupsionit, inkriminimit dhe padrejtësive të Edi Ramës, shqiptarët po braktisin vendin çdo muaj, duke u renditur të dytët pas sirianëve që kërkojnë azil në BE, duke nxitur diskutime në radhët e Unionit për rikthimin e regjimit të vizave”, shtoi kreu demokrat. /tesheshi.com/
