Kreu i PD-së Lulzim Basha, ka përcjellë një mesazh në Ditën e Policëve të Rënëve në krye të detyrës, duke i dhënë dhe një karakter të theksuar politik. Sipas tij, policët sot janë të tradhëtuar në misionin e tyre për t’u garantuar qytetarëve rend, siguri, qetësi e zbatim korrekt të ligjit.
“Menyra me e mire per ti kujtuar e per te vleresuar vepren e tyre eshte beteja pa kompromis ndaj krimit, bandave e droges. Vetem keshtu shpirti i tyre do prehej ne paqe.
Per fat te keq, ata sot jane te tradhetuar dhe shpirti i tyre i trazuar, sepse krimi qe ata luftuan, ndan pushtetin me qeverine. Krimi qe ata luftuan sot eshte ne formen e kupoles mafioze ku jane bashke qeveria e bandat. Ku shefat e komisariateve, besnike te qeverise, ndihmojne trafikantet, e dhunojne te pamundurit. Deshmoret e policise dhane jeten per tjeter gje, per sigurine e qytetareve dhe per te ndalur krimin.
Ne nuk mund ta leme sakrificen e tyre te shkoje dem.
Krimi, bandat dhe mafia duhen shtypur, por kjo behet e mundur vetem me nje qeveri qe nuk i mbron dhe ndan pushtetin me ta por i lufton, i ndeshkon dhe i con ata dhe pushtetaret e korruptuar qe sot jane mburoja e krimit para drejtesise”, shkruan Basha.
Kujtojmë se dhe dje Rama në kushte opozite, përcillte pak a shumë të njëjtin mesazh, ku theksonet me të madhe të tradhëtuarit e policisë nga vetë qeveria, atëhershme kuptohet. /tesheshi.com/
