Në urimin e tij rutinor për përvjetorin e radhës së rrëzimit të bustit në Enver Hoxhës, kreu demokrat Basha është treguar “i distancuar” nga thirrjet luftarake të presidentit Meta, i cili po tenton të dalë nga Presidenca në bulevard, duke dubluar kryeopozitarin, me thirrje për protesta anti-qeveritare, një precedent politik i panjohur deri më sot.
Basha është treguar “i ftohtë”në këtë drejtim, duke shkruar pa shumë gjakim politik momenti:
“20 shkurti është dita për të kujtuar me respekt të gjithë ata studentë dhe qytetarë që shembën simbolin e fundit komunist në Europë duke rrëzuar shtatoren e diktatorit.
Sot ne kujtojmë me krenari duke nderuar çdo shqiptar që në 20 shkurt mposhti frikën e komunizmit.
20 shkurti eshte dita e forcës dhe e kurajos, dhe hapi i parë në sherbimin ndaj Shqipërisë së lirë dhe demokratike. Sepse çdo shqiptar, si 29 vjet me parë edhe sot ka ende një qëllim madhor: ta bëjmë Shqipërinë si Europa”.
Ndërkohë kujtojmëse vetë Basha nuk i përket si emër a protagonizëm asaj kohe, kjo dhe për shkak të moshës – gjimnazist në atë kohë – pasi do njihej në publik vetëm në pranverën e vitit 2005. /tesheshi.com/
