Kreu demokrat Basha ka folur për herë të parë në lidhje me akuzat nga brenda PD-së, ato që i vijnë nga grupimi të cilin ai e largoi nga të qënit deputet, ku veçohet Patozi.
“Sulmet ndaj kryetarit nuk janë ide politike, as sulmet ndaj PD në media nuk i shërbejnë demokratëve”, tha Basha.
Ai nuk ka dashur të komentojë zërat për një parti të re, por tha se i mirëpret ata, kritikët, për të qenë kontrubues brenda partisë.
“Demokratët kanë luftuar dhe vazhdojnë të luftojnë kundër krimit dhe kjo është një kauzë që do të bashkojë të gjithë demokratët. I bëjë ftesë çdokujt që i bashkohet këtyre vlerave, lufta kundër krimit, dekriminalizimit si betejë që e kemi nisur, distancim nga personat me rekorde kriminale, bashkëpunëtor dhe autorë të trafikut të drogës. Unë ftoj kudo që bashkohet rreth këtyre vlerave në një proces të hapur, modern dhe europian nga e cila PD do të ndërtojë alternativën jo thjesht të pushtetit për nesër, po të një transformimi të madh politik të vendit, 28 vjet pasi është krijuar PD e ka përmbushur shumë misione të rëndësishme. Tani i takon dhe do të kryejë një tjetër mision për ta sjellë politikën shqiptare”, theksoi kreu demokrat. /tesheshi.com/
