Në më të fundit takim me elektorat, atë në Berat, kreu demokrat përfshiu dhe ARMO-n në akuzat ndaj Ramës. Duke marrë shkas nga dalja në rrugë e punonjësve të saj, Basha e pasuroi dhe më fjalorin denoncues ndaj kryeministrit.
“Nuk gjeti kurajon t’i thoshte se përse ka 400 milionë lek fond për makina luksi dhe s’ka lek për të blerë ilaçet e sëmurëve me kancer. Përse nuk paguhen 50 milionë euro taksa, nga ARMO në një vit dhe nga ana tjetër u thotë 1200 kryefamiljarëve, 1200 naftëtarëve: ‘dilni në asistencë sociale’. Është fare e thjeshtë. Nuk ndjen asnjë përgjegjësi për asnjë shqiptar. Kjo nuk është më qeveri, kjo është një bandë“, deklaroi kreu demokrat.
Më tej ai tha se më 27 janar do të protestohet për t’i treguar pakicës qeverisëse se aleanca e shumicës nuk pajtohet me krimin dhe se i do pushtetarët e korruptuar para drejtësisë së pakapur nga qeveria. /tesheshi.com/
