Në një intervistpër DW, kreu demokrat Basha e ka shpalosur si akt pozitiv lënien e mandateve. Sipas tij, edhe kriza është diçka positive, duke gjykuar se ajo do këtë si reaksion një erë të re, siç beson, hapjen e një kapitulli të ri për Shqipërinë….
Vitin e kaluar thatë se po bëj lobim për hapjen e negociatave. Keni ardhur me të njëjtin mesazh edhe sot?
Takimet që janë organizuar nga mikëpritësit e mi në Bundestag edhe me qeverinë federale kanë për qëllim diskutimin e krizës politike në Shqipëri dhe bashkëpunimi me partnerët tanë në Gjermani, kanë për qëllim tejkalimin e kësaj krize politike, kushtetuese dhe institucionale. Në Europë nuk shkohet me gënjeshtra por me vlera dhe të vërteta dhe një parlament të zgjedhur nga vota.
Parlamenti është zgjedhur nga vota. Kemi pasur raste të shitblerjes së votës. A nuk mund të trajtohen ato në kuadër të drejtësisë ashtu si në demokracitë e tjera?
Themeli i demokracisë është vota. Kur bie vota e lirë ka rënë demokracia. Ajo që dosja 339 tregon është se në 2017 krimi në bashkëpunim me kuptolën e Rilindjes kanë asgjësuar vullnetin e lirë të shqiptarëve. Krimi dhe kapja e shtetit dhe ekonomisë përmes pastrimit të parave kanë vrarë shpresën dhe kanë shkatërruar mundësitë, kanë shkaktuar emigracion masiv. Tani është momenti t’i japim Shqipërisë një transformim rrënjësor.
Ju keni disa mandate dhe të gjitha këto probleme dhe mund t’i kishit zgjedhur në parlament. Si mund ta zgjidhim, a do ktheheni prapë në parlamet?
Largimi në Parlament ndodhi pas shterimi të çdo mundësie për të zgjidhur këtë krizë ilegjitimiteti. Ju kujtoj se partnerët gjermanë i njohin këto probleme dhe i kanë ngritur prej kohësh. Dalja e opozitës nga parlamenti është nja dalje pa kthim. Kriza është një mundësi për t’i dhënë shqiptarëve një sistem që i shërben atyre. Ky transformim do ketë mbështetje. Ai shkon përtej zgjedhjeve të lira dhe të ndershme. Ne duam vlerat e vërteta europiane. Të garantojmë që Reforma në Drejtësi të prodhojë rezultate. Qëllimi është të kemi një proces politik të lirë që mund të ndodhë vetëm përmes një qeverie tranzitore.
Reforma zgjedhore ka ngecur në vend?
Këta janë shqetësimet që ka ngritur dhe DASH. Është emergjencë të ndërtojmë një proces tranformues që i shërben të gjithëve. Këto janë vetëm hapat e parë. Ne duhet të përqafojmë një ndryshim të madh. Bëhet fjalë për ndërhyrje të thellë që në ta ardhmen as një person të mos i kapë të gjitha pushtetet në dorë.
Halli është të hiqet kryeministri?
Ky nuk do të jetë fundi po fillimi i një transformimi që do të sjellë ndarjen dhe kontrollin e pushteteve që qeverisja e ardhshme t’i shërbejë qytetarëve.
Marrë nga DW
