Në zbritjen e parë në bazë qysh nga shpërthimi i krizës në PD, Basha u prit me një lloj “antimitingu”. Pra, ithtarë të Berishës i dolën në rrugë. Kjo ndodhi në Fier.
I pari i PD-së së atyshme pasi Luan Baçi kaloi me Berishën, Agron Kapllanaj, e komentoi kështu: 
“Mbrëmë në orën 11 të natës, Berisha e ka marrë ish kryetarin e PD në Fier dhe i ka thënë do i nxjerrësh se s’bën. Ata që janë atje jashtë, ata 20 veta ishin të turpëruar sepse nuk duan të jenë aty por janë të detyruar. Por për mua, Berisha i përket të shkuarës dhe ne nuk duhet të flasim më për të“, tha Kapllanaj.
Ndërsa Basha kërkoi shkuarjen në djall, siç tha, të së shkuarës, duke nënkuptuar me këtë Berishën.
“Me 8 janar, në kundërshtim me thirrjet tona u kalua një vijë e kuqe që na ndau dhe na ndau përgjithmonë. Dhuna nuk është mjet i demokratëve. Ata demokratë fatkeqë që ishin aty u përdorën si fasadë.
Tani dua t’ju ftojë të gjithëve ju, të gjithë demokratët që do shkojë t’i takoj, qytetarët në qytetet dhe fshat më fshat: le ta lëmë të shkuarën pas, sepse ne kemi zgjedhur të ardhmen. Në djall shkoftë e shkuara, shkojmë drejt të ardhmes!”, tha Basha. /tesheshi.com/
