Një shfaqje të turpshme e ka cilësuar kreu I partisë Demokratike, aktivitetin ku u publikuan rezultatet e aksionit kombëtar kundër drogës. Basha komentoi edhe akuzat e Ramës në drejtim të opozitës se i janë prekur interesat nga aksioni i policisë kundër narkotrafikut. Ai tha se gjithë sa ndodhi sot në Tiranë ishte një propagandë e pastër dhe përpjekje për të mbytur të vërtetën.
“Qindra oficerë policie janë thirrur me dhunë në kazermën mediatike të Ramës, ndërsa trafikantët vazhdonin aktivitetin e tyre, plantacionet e drogës shtohen, parcelat që ruhen me armë në krahë nga habilajt dhe shullazët e Tahirit”, deklaroi Basha.
Sipas Bashës, shqiptarët duhet të dinë se iu shkuan dëm qindra-mijëra euro të taksave të tyre për të mbuluar aktivitetin propagandistik të Ramës.
Kreu i opozitës nuk ka harruar të sjellë si dëshmi raporte ndërkombëtare të hartuara gjatë viteve të qeverisjes së demokratëve për të provuar të pavërtetat, sipas tij, të servirura nga Rama dhe Tahiri.
“Ka caktuar narkotrafikantët në administratë, në parlament, kryetarë bashkie. Emblema e Ramës janë roshët, bushët, bardhët, ndonët, peçët e të tjerë. Trafikantë të dënuar apo të ndjekur që administrojën sot territore me pushtetin që u dha Edi rama”, deklaroi kreu i PD.
“Të nisë dekriminalizimi dhe nisja e tij nga testi i drogës për ty dhe ministrit tënd. Do të ishte një fillim i mbarë”, tha Basha. /tesheshi.com/
