Kreu demokrat Basha pati një takim me përfaqësues të FMN-së, pas së cilit u “ndje partner” me ta në vizionin për ta qeverisur ai Shqipërinë.
“FMN dhe opozita kanë një plaftormë të qartë për daljen nga kriza. Do ja dalim të ndalim këto koncesione korruptive. Paratë do t’i kthejmë te qytetarët, studentët, fermerët. Do kthejmë kushtet e barazisë para ligjit dhe konkurrencës së lirë”, tha Basha, pas akuzave të ngritura për Buxhetin 2020, që sipas tij shkon për oligarkët. Buxheti që kanë planifikuar të kalojë përbën një vjedhje të hapur. 140 milion dollarë parashikohen ti jepen 13 oligarkëve. Kjo do çojë në një rritje të borxhit publik”, tha Basha.
“Kjo situatë nuk mund të vazhdojë më dhe nuk ka pse të jetë kështu. Ne do të vemë në kontroll borxhin publik”, deklaroi Basha, duke shtuar se “ka ardhur koha për një reagim gjithë popullor”. /tesheshi.com/
