Një kërkesë në bllok e deputetëve demokratë në një mbledhje maratonë prej afro 5 orësh në PD, nuk e ka bindur kryetarin Basha që të japë dorëheqjen.
“Sot grupi parlamentar ka bërë një analizë të gjendjes. Nuk ka kërkuar as koka turku, as justifikime. Dhe as unë nuk jam këtu për të bërë justifikime, apo për t’u bërë kokë turku”, tha Basha pas mbledhjes.
“Kam konstatuar se na përbashkon ajo që iu thashë edhe sot në hyrje të takimit, ajo që iu thashë edhe dje, edhe pardje: vendosmëria për të bërë gjithçka për të përbashkuar Partinë Demokratike.
Dhe padiskutim që si kryetar i Partisë Demokratike, përgjegjësia kryesore bie mbi mua, ndaj ndava me grupin parlamentar në këtë diskutim të gjatë dhe të frytshëm atë që do të ndajë edhe me institucionet e tjera të partisë: vënien time në dispozicion të zgjidhjes në të gjitha format dhe mënyrat e mundshme që ndihmojnë përbashkimin e Partisë Demokratike dhe ecjen e demokratëve përpara”, ishte arsyetimi i Bashës. /tesheshi.com/
