Kreu demokrat ka dhënë një deklaratë jo si gjithë të tjerat këtë të enjte, lidhur me të shtunën, ditën kur opozita ka paralajmëruar organizimin e një proteste anti-qeveritare.
Ai ka folur mbi një vendim që do merret atë ditë, tyë cilin nuk ia ka atribuuar partisë që drejton, por…popullit.
“Ju garantoj se së bashku do të marrim një vendim që do të hyjë në histori si një nga vendimet më të mëdha të popullit shqiptar për t’u hapur rrugën zgjedhjeve të lira e të ndershme dhe përmes zgjedhjeve të lira e të ndershme ta kthejmë qeverisjen tek zotërit e vet, që janë qytetarët shqiptarë”, tha Basha gjatë një takimi me banorë të njësisë nr.4 në Tiranë.
“Do të jetë një bashkim jo thjeshtë në përgjigjje të opozitës, të PD apo të Lulzim Bashës, por në përgjigjje të halleve dhe problemeve të jashtëzakonshme që kanë kapluar çdo familje shqiptare. Këtë bashkim të madh qytetar, më të madhin ndonjëherë, që do të ndodhë të shtunën në orën 12:00 këtu në Tiranë, unë e marr si shenjë të madhe përgjegjësie dhe së bashku me qytetarët shqiptarë, së bashku me këtë bashkim të madh popullor, ne do të marrim të shtunën një vendim shumë të madh për të nesërmen, për të ardhmen e çdo shqiptari”, theksoi më tej kreu i PD-së.
Por ç’lloj vendimi do merret atë ditë? Mbetet për t’u mësuar orët në vijim. /tesheshi.com/
